【股市脈搏】長江生科突爆上關春江鴨事？

【Now財經台】長江生命科技(00775)今日喺冇任何重大利好消息下，股價午後突然大幅抽升。長江生科今朝交投淡靜，但午後買盤突然湧現，股價一度勁升逾30%，高見0.98元，收市報0.96元，大升28%，全日成交金額逾1.36億元，成交量較過去100日同時段平均成交增逾20倍。

近年每當集團嘅黑色素瘤疫苗業務有消息更新，股價就出現異動，今日股價突然挾高，唔知係咪又同黑色素瘤疫苗有關，春江鴨又出動搵食。

睇返技術走勢，長江生科今日一升，已衝穿所有移動平均線，14天相對强弱指數(RSI)已升至82嘅嚴重超買水平，留意嚟緊呢幾日，公司會唔會有相關消息公布，帶動股價繼續爆上。