【股市脈搏】現代牙科冇蟹貨任升？未必...

【Now財經台】現代牙科(03600)連升3日後，今早輕微低開後，好快就掉頭向上，尾市更刷新日內高位，曾高見6.85元，一度升逾22%，收市仍升逾18%，報6.6元，創新高，成交股數較過去100日同時段平均增3.8倍。

現代牙科呢幾日炒上，可能牙科股時代天使就快招股，有可能炒作影子效應。

現代牙科股價今年已炒高逾3倍，歷史市盈率(PE)60.7倍，但據《彭博》數據顯示，預測PE僅約20倍，似乎市場對預期喺8月底出爐嘅中期業績都幾有信心。

現代牙科用咗5年幾時間，近日終於「浮上水面」，上方已經冇蟹貨，但要留意公司股權相對集中，3個主要股東加埋合共持有公司66.18%股權，而相對強弱指數(RSI)已經升到82，已非常超買。