我的股票

    名稱 現價 升跌

    資料報價延遲十五分鐘

    標籤: 5636422380

    【輪證下半Part】通道收窄+無位落場

    【輪證】 2021/05/17 15:07

    【now.com財經】激氣!成個上晝都等唔到一個入市靚位,喺10點40分至10點45分時見到恒指五分鐘圖SlowSTC(14,3)落到3X時,走勢圖上,都見到指數落過保歷加通道中軸,但可惜指數同條中軸玩拍拖,無幾耐仲自己彈返上去,SlowSTC(14,3)落去超賣範圍就係咁擦身而過,唯有等下半場。

    其實依家12點56分,今朝舊場飯腳,有兩個話忽然要落老銅開會,搞到大家啲時間有少少失預算,不過唔緊要,事關又多一個人會離開九龍灣,風叔叔,我哋會好掛住你,得閒過開觀塘記得搵我。

    依家2點41分,條街真係熱到爆炸,返到新場坐底,拿拿聲開返部機,見到恒指喺午後返嚟五分鐘圖上SlowSTC(14,3)有落過一下,但係呢個位連20都落唔過;再加上由今朝11點到開始至依家見保歷加通道收窄中,即係話即使落場的話,都唔記得隻恒指牛(56364)會有咩肉食。

    八掛望一眼,就當下半場入隻(56362)呢,至依家計都只係得四格。我知,四格都係錢,學老媽話齋:爭$1都唔比你上車呀!不過條保歷加通道真係好窄呢,今日都係做觀眾算啦。

    至於隻恒指Put(22380),基於週線圖上恒指仲係喺保歷加下降通道,sort住個目標係保歷加通道底部,生生性性呀!

    作者阿珊,任財經/投資版傳媒人十幾年,《鐘擺戰略贏港股》及《輪證基礎筆記》作者。用技術分析專心玩輪證,唔貪心,志在搵餐下午茶。

    Patreon:https://www.patreon.com/cbbcwar

    秒投輪證教室:https://bit.ly/31HG6AN

    想睇更多財經消息

    相關股票