我的股票

    名稱 現價 升跌

    資料報價延遲十五分鐘

    【股市脈搏】呢隻影視娛樂股破阻力靠「五‧一」

    【分析】 2021/04/28 15:36

    【Now財經台】歡喜傳媒(01003)今朝宣布配股集資,每股2.15元,同噚日收市價持平,籌逾4億元。

    歡喜傳媒股價今朝高開近8%後,升幅一度收窄,但午後再發力,一度大升逾13%,高見2.44元,最新升逾8%,報2.33元,成交股數較過去100日同時段平均增3倍。

    集團股東都好夠分量,除咗內地影業知名人士董平及徐崢外,嗶哩嗶哩(09626)及貓眼娛樂(01896)都有入股。雖然集團舊年由盈轉虧,但市場都預咗,所以3月底出業績時,股價守得住2元。

    今次零折讓配股,反映集團對股價及前景有一定信心,短線可以用配股價2.15元作為支持參考,後市睇下可唔可以借「五‧一」黃金周消費旺季,突破過去幾個月嘅阻力,即2.5元水平。

    想睇更多財經消息