【股市脈搏】B仔股2616「浮水」靠呢浸升浪

【Now財經台】未有盈利生物科技公司基石藥業(02616)，股價今朝輕微高開後，愈升愈有，午後升幅擴大，一度升逾17%，高見11.36元，高見11.3元，已升穿所有移動平均線，最新報11.14元，主動買盤約70%，成交較過去100日同時段平均增6倍。

雖然基石藥業股東星光熠熠，包括藥明康德(02359)旗下投資基金、輝瑞香港及新加坡政府投資旗艦等，但上市超過兩年，除咗初期升到17元水平，之後反覆向下，連招股價12元都守唔住，舊年3月初因市況轉差，股價一度跌至6.73元，趁資金追捧醫藥股，同埋憧憬集團產品商業化下，睇下有冇機會上返水面。