【息賺】呢兩隻電訊股穩袋6厘息
【分析】 2021/04/26 17:27
【Now財經台】早前美國債息抽升，震散部分高息股，依家債息回穩，高息股前景係咪樂觀啲？
中原資產管理投資總監洪龍荃指，之前債息抽上1.7厘，市場當時擔心會唔會衝上2厘，令股票嘅估值有下行壓力，但依家輾轉回穩，雖然預期通脹之後會升溫，但依家升勢放緩咗，市場都暫時鬆一口氣。
Larry又話，喺債息升勢放緩下，揀股時要留意一點，就係股份本身嘅派息率要高過債息，避免「賺息蝕價」，佢建議考慮揀有息有增長嘅電訊股，股息率普遍逾6厘，例如香港寛頻(01310)、中信國際電訊(01883)。
想睇更多財經消息
