【專家分析】B仔新股兆科抽唔過？

【Now財經台】由李氏大藥廠(00950)旗下兆科眼科(06622)，是一間仍處於臨床階段，未有盈利嘅生物眼科製藥公司，兆科今日開始招股，招股價介乎15.38至16.8元，最多集資20.7億元，一手500股，入場費逾8400元。

寶鉅證券董事及首席投資總監黃敏碩指，眼科係相對較專嘅項目，選擇較少，但投資者依家對B仔股比較有戒心，因爲之前多隻B仔股自高位回落。

至於兆科抽唔抽得過，Michael就話，兆科估值偏貴，用招股價計，上市估值介乎80億至90億元，散戶不妨睇定啲，等兆科上咗市，睇下表現點樣先再作決定。