我的股票

    名稱 現價 升跌

    資料報價延遲十五分鐘

    【魚樂無窮】搭景福順風車博...

    【分析】 2021/03/05 16:30

    【Now財經台】景福集團(00280)由1月中至噚日為止,合共做咗18次回購,涉及逾119萬股,但只係用咗約35萬元,期間股價累升逾25%,用少少錢就可以將股價踢高咁多,似乎都好抵。

    著名投資專欄作家唐牛指,股價表現咁勁主要有兩個原因,首先係景福上咗市30幾年,今年先開始做回購,一定有刺激作用同憧憬,其次係同消費行情有關,因為疫情放緩,又開始接種疫苗,加上預算案又話派消費券,好多零售股都炒上,二三線股景福都可以受惠。

    唐牛又話,如果睇基本面揀金飾股,景福一定係輸蝕,如果炒復甦受惠程度,一定係周大福(01929)、周生生(00116)、六福集團(00590)呢啲龍頭,景福近期升幅大過三隻龍頭,只係個價太殘。如果搭順風車都係博繼續回購,同埋睇消費券政策係咪會調整。

    想睇更多財經消息