【股市脈搏】萬咖壹聯係時候「落車」？

【Now財經台】萬咖壹聯(01762)今日早段走勢反覆，高開逾2%後，一度倒跌近10%，約早上11點30分，股價由跌轉升，仲愈升愈有，一度大升逾31%，高見2.25元，升上近年半高位，但之後升幅急速收窄。

萬咖壹聯股價今個月「開快車」，成交都多咗，今日成交量較過去100日同時段平均增逾10倍。

值得留意係，依家萬咖壹聯14天RSI升至約93嘅嚴重超買水平，係上市以嚟首見，亦係依家最超買股份之一。

集團下個月就會出全年業績，半年純利倒退近30%，睇下SaaS及車聯網業務，可唔可以成為集團新增長引擎，帶動業績，甚至股價向上。