【股市脈搏】佳兆業250天線有支持
【分析】 2020/12/29 11:52
【Now財經台】佳兆業集團(01638)股價連跌八日後，今早走勢反覆，高開後一度倒跌，低見3.58元，跌近2%，其後掉頭向上。
面對內地三大紅線，肯定不利孭債重嘅內房股，佳兆業除咗積極減債，其實賣樓成績都唔差，今年首11個月銷售達902億元人民幣，按年增長20%，已完成全年目標逾90%。
佳兆業股價今年6月初開始反覆向下，睇返技術走勢，現時已落到保歷加通道底部，要睇下短線有幾大反彈力度，下望較大支持就係250天線，即3.45元水平。
想睇更多財經消息
