我的股票

    名稱 現價 升跌

    資料報價延遲十五分鐘

    【輪證下半part】小米、美團、阿里揀邊個?

    【輪證】 2020/08/14 14:03

    【now.com財經】今朝揀咗pair牛熊出嚟,本打算喺悶市中有無計可以做到來回Swing Trade,雖然未至於得個吉,但截至依家1點29分止,恒指高低位先得嗰240點,有心trade都變無心機睇;即使噚日下半場揀嘅恒指界(48420)今日都係無聲氣。

    都唔知係唔係大家都等緊今日收市公布恒指成股份季度檢討結果,所以先至提早收工。今次染藍歡呼聲最高有小米集團(01810)、美團點評(03690)同阿里巴巴(09988),前兩者依家(1點39分)都仲見升勢,當中美團升得最勁,日線圖上見一支「大陽燭」生咗出嚟,SlowSTC(14,3)都要喺7X呢啲位掉頭折返向上;至於阿里就跌緊。

    論以日線圖秤,美團的確唔輸蝕,五條平均線順序排列反映股價已上行一段時間,而之前一度失守$200時,同步SlowSTC(14,3)都衝過落去2X呢啲位,但以依家嘅水平都上返去7X,當年發生喺滙控(00005)同騰訊(00700)身上嘅「有買貴、無買錯」唔通轉移咗去美團嗰度?

    至於小米,7月上過高位$17.5之後就反覆向下,今日再見10天線($15.338)升穿20天線($15.323),就係呢一個「黃金交叉」,五條主要平均線再次順序排好,且日線圖上SlowSTC(14,3)中軸位起步上行中,一旦成功染藍穿「下降通道」嘅話,估計又可以升一浸。

    至於阿里,咁又唔係歧視佢跌嘅,反正20天線($246.7)似乎有支持,且日線圖上SlowSTC(14,3)與小米同樣都係中軸位起步上行中,只係上行嗰氣勢未見如小米咁強啫。

    三揀一,你會揀邊個?

    純睇日線圖嘅話,小米牛(57170),收回價$13.58,同現價有逾12%差距,6倍槓桿適中,低街貨。

    你呢?

    作者阿珊,任財經/投資版傳媒人十幾年,《鐘擺戰略贏港股》及《輪證基礎筆記》作者。用技術分析專心玩輪證,唔貪心,志在搵餐下午茶。

    FB:輪證贏家

    想睇更多財經消息