【專家分析】投資者應該揀邊隻內房股嚟追落後？

【Now財經台】國指跑贏恒指升至近250天線，今日大部分內房表現強勢，股價都在250天線以上，如果投資者要揀內房股嚟追落後，應該要揀較落後嘅，定係板塊中較強勢、領升嘅內房股？

中國通海證券投資策略聯席總監阮子曦指，中國恒大(03333)雖然暫時領先同業，其實股價都係公司自己回購升上去，所以覺得一般。

Harry比較睇好融創中國(01918)呢類全國性內房，但投資者要留意呢隻股份波幅好大，如果承受得到先好考慮。另外，中國奧園(03883)有大灣區概念，亦可諗諗。

不過，如果投資者想揀穩陣啲，等股價慢慢升嘅，可以睇世茂房地產(00813)，因為佢有分拆概念，而且銷售情況穩定。