我的股票

    名稱 現價 升跌

    資料報價延遲十五分鐘

    標籤: 068230369009988

    【輪證下半part】放阿里入watch list

    【輪證】 2020/03/24 12:42

    【now.com財經】依家12點22分,恒指中午收市報22468點,升772點,成交額為718.78億元。

    大市今日keep得到個升幅,亦都開始有人話杺撈底,唔撈都用第一注錢出嚟買貨先啦,古言有云「別人恐懼我貪婪」嘛;但話時話,都經歷過一個月裂口跌,裂口大跌、過千點單日升/跌幅嘅歲月,仲有幾多人覺得「恐懼」?又或者咁問:有幾多人開始覺得「麻目」?

    仲係恐懼又好,已經麻目都好,怕且大家都見呢鋪比金融海嘯更海嘯嘅股災,都想試下搵一個低位,幫自已儲返少少貨。噚日同事Cyrus問我香港電訊(06823)係其中一個,今日讀者阿仁email嚟問隻阿里巴巴(09988),係另一個。

    「IPO時我無抽阿里巴巴,但見佢上市之後都有見過200蚊樓上。到依家連招股價都無埋,係咪都可以入少少當儲下貨咁呀?」

    咩都未睇之前,只係想講句,夠薑問我個股,真係要比個「勇」字你。

    阿里巴巴喺上年11月26日喺香港上市,當時招股價為$176,上市第三個交易日股價已升至$200以上水平。期後回一回再去,暫時歷史高位為$227.4。

    咁當然阿里股價呢個月都隨市下行,其實去到上星期二(3月17日),阿里低位見$175,叫做穿過招股價;至上週四(19日)低位見過$167.6,而依家咬住喺$170至$175附近上落。

    阿里上市至依家半年都無,可以話係一隻半新股,所以部份指標如100同250天線根本仲未有足夠數值可以計算;不過無乜所謂,用其他嘅都足夠。

    今朝先寫過恒指彈得返上條5天線,但見阿里似乎今日仍然受住5天線($174.3)影響,SlowSTC(14,3)兩線雖然已經處於嚴重超賣水平,但%K線仍然低於%D線,DMI嘅ADX暫見橫行,似乎暫時未見有動力。

    不過,都可以將阿里放入個watch list度,始終ATM股(即阿里Alibaba、騰訊控股(00700)Tencent及美團點評(03690)Muituan)呢三隻新型經濟股,點都會受市場歡迎。

    細看今日(截至12點40分止)同噚日嘅低位分別為$170同$170.2,嚴格嚟講都算係一個「平底」水平,或者再觀察多一兩日,阿里見異動,到時就可以做嘢。(我家老爺煮好lunch,職工頭圍用膳先)

    作者阿珊,任財經/投資版傳媒人十幾年,《鐘擺戰略贏港股》作者。用技術分析專心玩輪證,唔貪心,志在搵餐下午茶。

    電郵:gladyshan@gmail.com;FB:輪證贏家

     

    想睇更多財經消息