我的股票

    名稱 現價 升跌

    資料報價延遲十五分鐘

    標籤: 分析01592

    【股市脈搏】 基石控股穩升 等收購「得米」?

    【分析】 2020/03/18 17:00

    【Now財經台】喺港澳銷售石材同鋪設雲石嘅基石控股(01592),上星期五收市後出盈警,預計全年純利按年大幅減少最多90%,但盈警後今個星期呢三日股價反而向上,持續創52周高位。今日最多升10%,高見$0.52, 但午後走勢反覆,曾倒跌9%,尾市拗腰倒升5%,報0.495元,成交937萬。

    上周五嘅盈警指溢利減少,主因係接咗一項利潤率較低嘅重大工程,同未能完成兩項工作,收益要延至2020年先入帳。另外,公司喺去年11月宣布擬以1.2億,收購一間家具承建商嘅所有股權,拓展業務,兼有協同效應,嚟緊兩年更享有每年1500萬嘅溢利保證,相信有助業績。不過呢單交易嘅條款年底改過,之後多次延遲寄發通函,一日未落實始終可能有變數,預計3月底公布業績,睇下業績前股價係咪會繼續異動。

    想睇更多財經消息

    相關股票

    編號名稱
    01592基石控股