我的股票

    名稱 現價 升跌

    資料報價延遲十五分鐘

    標籤: 00700

    【輪證下半Part】部署騰訊業績?等業績出咗先啦

    【輪證】 2020/03/16 14:12

    【now.com財經】食飽飯返嚟見到恒指跌幅擴大咗好多,1點54分見跌828點,做緊23204點,拆5分鐘圖見就無一支好明顯嘅大陰燭向下挫,只見大市係逐級逐級落,而SlowSTC(14,3)呢個時候亦落到去嚴重超賣水平,一貫策略上似乎又唔似係呢個位入市;但當大市以大幅度嘅點數上上落落之後,再鋒利嘅刀都有生鏽嘅一日。

    央行減息放水睇嚟都唔再似係啲咩靈丹妙藥可以救到個市,央行們似乎都要諗啲新奇、刺激嘅嘢先至可以力勉狂瀾。

    剛啱返嚟check email,收到一位讀者Annie嘅email,問嘅係關於騰訊(00700)。

    望望月曆,星期三(3月18日)騰訊將會公布上年度全年業績,市場預期上年非通用會計準則純利介乎923.4億至990億元人民幣,按年升19.2%至27.8%;再加上時下流行「宅經濟」,Home office又好,停課不停學都好,除咗一啲做外賣、網購或者電子支付平台業吃香之外,打機都不失為一種「宅經濟」上嘅消遣。

    睇返騰訊日線圖,其實都唔係好得恒指幾多,上個星期五(13日)叫做有支「大陽燭」,將騰訊喺收市時都叫做撐返上去250天線($357.16)以上,不過今日就再次隨市下行,截至2點2分,騰訊高位暫見$357.8,同今日條250天線($257.1)相比,嚴重嚟講就真係叫做穿過下,但圖表上嚟講就算係被250天線頂住,當然,如果今日全日收市後,騰訊陰陽燭圖同依家差唔多嘅話,咁就會同恒指一樣,都係呈「身懷六甲」,低位見此有轉勢味道。

    轉幾多同轉唔轉就真係唔知,都要視乎返星期三佢份業績點樣先得。從前係就業績前部署定隻騰訊,等績後有好成績就將股價推高出貨;但如今睇嚟似係等埋份業績出咗嚟發生咩事先再講。

    你知啦,從前減息係利好因素,依家...果然係凡事都有兩面睇;話口未完恒指跌幅擴大至跌逾900點啦。

    作者阿珊,任財經/投資版傳媒人十幾年,《鐘擺戰略贏港股》作者。用技術分析專心玩輪證,唔貪心,志在搵餐下午茶。

    電郵:gladyshan@gmail.com;FB:輪證贏家

    想睇更多財經消息

    相關股票

    編號名稱
    00700騰訊控股