我的股票

    名稱 現價 升跌

    資料報價延遲十五分鐘

    標籤: 地產

    【樓宇法律】解約前要留意後果

    【地產】 2020/02/12 15:41

    【now.com地產】住宅業主M女士以電話訊息聯絡防水工程公司,公司T君上門檢查,檢查費1,800蚊;但係如果當天雙方簽訂工程合約,就免收。檢查後,雙方達成共識,整個工程費用33,000蚊。

    雙方簽約作實。

    合約訂明,M女士一旦簽約,就要落訂三成。合約又訂明,如果M女士單方面解約,已付款項,工程公司唔使退回,並且仲要按合約追收全數,合約先會終止。

    點知嗰頭簽約,嗰頭M女士就要解約。工程公司告上法庭,追討全數33,000蚊。公司解釋,工程物料需要按濕度特別訂製,公司已經畀晒錢,有收據證明。

    M女士就話,佢唔使履行合約,因為佢無按約畀三成;而且地址出錯,因為漏水喺2A單位,但合約寫嘅係1A。

    法庭認為M女士明知當日唔簽約,就要即場畀1,800蚊檢查費,呢個係驅使佢簽約嘅理由。仲有,雙方無爭議1A同2A,其實係一個複式單位;M女士喺電話訊息畀1A地址,而T君進入單位嘅大門亦喺1A。

    法庭裁定T君為誠實可靠嘅證人,M女士就唔係,所以只接納T君證供。法庭亦裁定合約係一份清晰準確,可以執行嘅合約。

    至於M女士無按合約畀三成,並無構成合約失效;因為條款純粹係保障工程公司利益,法律上公司有權放棄。

    法庭判公司追討得直。M女士申請上訴失敗。

    (法庭編號:HCSA 39/2019)

    香港測量師學會會員陳家欣

    想睇更多財經消息