我的股票

    名稱 現價 升跌

    資料報價延遲十五分鐘

    標籤: 地產

    【湯文亮話】IMF的提議降低香港人買樓意欲

    【地產】 2020/01/08 11:33

    【now.com地產】上星期國際貨幣基金組織(IMF)發表了對香港地產意見,認為香港樓價今年會下跌6%,香港政府應該撤銷15%從價印花稅(AVD),待那些已有一個住宅單位的香港業主可以多買一個,甚至幾個單位,此舉可以阻止樓價下跌。

    在過去十幾年,IMF指點過香港地產政策不知多少次,每一次都是叫香港「加辣」。我記憶所及,今次是第一次提議香港政府「減辣」;但我認為IMF唔講好過講,叫香港政府撤銷從價印花稅來救樓市,代表IMF不了解樓市,如果香港政府表態話會考慮IMF的提議,樓宇銷售量立刻會下跌,因為那些唔介意畀15%從價印咗花稅買樓的人會等一等,如果政府聽IMF的提議就會慳回不少印花稅。

    點解我會話IMF不了解香港地產?因為我打死都唔相信IMF知道香港樓市有所謂「丁權」,就是首次買樓的香港人只需要比正常印花稅,買第二個住宅單位就要畀從價印花稅,很多香港人買樓是沒有迫切性需要,只不過是不想浪費「丁權」。

    如果取消從價印花稅,即是取消「丁權」,少了一批唔想浪費丁權的買樓人士,成交量又怎會上升?

    IMF如果要幫香港,不如提議政放寬逆週期措施,令到持有多個物業的業主可以在財政上舒緩一下,不用賣走一些物業來解決問題,樓價下跌壓力亦會減少;而且,放寬逆週期措施又不需要通過立法會,一切簡單得多。

    湯文亮
    紀惠集團副主席及行政總裁
    想睇更多財經消息