我的股票

    名稱 現價 升跌

    資料報價延遲十五分鐘

    標籤: 地產

    【城規建設】全球暖化致海面上升

    【地產】 2020/01/13 12:41

    【now.com地產】筆者童年過年,氣溫只有七、八度,棉衲人人著上身,過年氣氛十分足夠。

    而家香港冬天好似初夏一樣。舊年冬季只有三日達到攝氏12度或以下嘅寒冷水平,而平均氣溫高達攝氏19.1度,係有史以來最暖嘅冬季;今年嘅冬季到而家,都無邊幾日認真凍過。

    全球氣候暖化,令到一個地區嘅乾旱、降雨模式規律改變,引致生態環境失衡;同時亦都對一個城市嘅規劃,產生長遠策略上嘅衝擊。氣候暖化其中一個效應,就係海面上升。

    按照天文台推算,香港未來平均海面會高於1986至2005年。溫室效應持續,2081至2100年平均海面高度,更會較1986至2005年高0.63至1.07米。

    海面升高,沿海岸線嘅地區水浸,風險自然大增。渠務署「防洪三招」:上游截流;中游蓄洪;下游疏浚,係不可或缺嘅基建。

    如果暖化加劇,海面升高比預期大,一啲較易受影響嘅沿海項目,例如醫院、老人院、學校等,以及具有策略性嘅主要交通與及公用設施如地鐵等,喺城市規劃嘅考慮,必須預防不測。

    一係就更改建設地點,一係就加高建築物,亦係防水浸嘅另一啲方法。

    近年政府積極研究建造機場第三跑道系統,特首林鄭亦已提倡千億「明日大嶼」偉大工程。

    單係規劃設計時考慮到氣候變化帶來海面上升嘅風險推算,已經唔係癡人說夢話。

    香港測量師學會會員陳家欣

    想睇更多財經消息