【專家分析】中煤「到價」要睇三樣嘢

【Now財經台】雖然今年首季動力煤現貨價按年跌近15%，但中煤能源(01898)期內商品煤嘅產量定銷量，都按年升逾30%，令公司首季營業收入升近14%。

英皇證券研究部總監陳錦興話，依家煤價弱勢，但新煤礦投產令煤產量同銷量增加，加上部分成本控制得唔錯，因此認為中煤季績算交到功課。

股價方面，Stanley話，雖然公司首季業績好過市場預期，但股價依然維持上落格局，向上動力唔大。如果要升上大行平均目標價3.72元，就要睇埋市場氣氛、資金會唔會轉炒煤股，同埋可唔可以靠煤價回升借勢炒上。