我的股票

    名稱 現價 升跌

    資料報價延遲十五分鐘

    標籤: 地產

    【城規建設】至型水管屋

    【地產】 2019/04/08 11:50

    【now.com地產】有報紙報導,荃灣天橋底首次利用水管造過渡性房屋。水管屋英文叫OPod,可以承受高壓同埋防火。喺荃灣嘅水管屋群,可以組合大約110至130個,每個可以住一人至四人。每個造價每個大約10萬蚊。

    水管內部面積大約100平方呎;麻雀雖小,五臟俱全:裡面有小浴室、小廚房,梳化床。一、兩個人住,完全無問題。水管屋可以裝冷氣,不過冬天保暖功效成疑。仲有,一群臨時組裝嘅水管屋,點樣解決排污問題,都有待驗證。

    運房局過渡性房屋專責小組指出,水管屋嘅建築方法較一般傳統樓宇建築方法簡單得多,可以喺極短時間內完成組裝,盡快俾有需要嘅人仕受惠。

    今次荃灣嘅水管屋群可以喺明年第四季入住,預料有700人受惠。雖然唔算得上規模鼎盛,但係啼聲初試,都算係咁。

    水管屋,作為短期嘅棲身之所,都或者OK;不過我睇,水管屋似係遊戲多過實際。

    作為好多青年人急於脫離父母,嘗試獨立生活,未嘗唔係一個選擇。

    香港測量師學會會員陳家欣

    想睇更多財經消息