【專家分析】內房已見底？

【Now財經台】今日(24日)有兩家大行齊齊唱好內房股，其中，花旗指出，內房股喺4月初反彈後動力減弱，可能係擔心月底召開嘅政治局會議，未必有相關支持政策出台，即使依家銷售反彈，對股價嘅刺激作用係咪都有限？

艾德金融執行董事陳政深相信，依家係博緊成個行業已經觸底，但有啲投資者認為觸底唔等於即刻反彈，今年第1季整體市場都係喺底位運行，但3月嘅銷售金額大增近70%，而中國百强房企操盤金額按年跌幅都收窄，反映整體情況有改善，但改善速度較慢，市場要等待時機，睇下有冇一啲更强嘅催化劑及轉勢情況，才可以確認內房復甦，繼而利好相關股份。

Ryan又指，之前已推出唔少救內房嘅政策，依家就要睇返市場本身嘅復原能力及實際供求，市場其實有足夠庫存，但睇唔到需求大幅增加，加上內房缺乏防守性，單位租唔出又之餘，回報又低，相信樓價喺未來3至5年都較難顯著收復失地。