【專家分析】康龍化成泊禮來碼頭雙贏

【Now財經台】美國藥廠禮來(Eli Lilly)宣布跟康龍化成(03759)合作，研發口服GLP-1減肥藥，兩家公司合作亦係禮來未來10年，對華投資30億美元計劃之一，禮來係內地擴展藥物供應鏈會帶嚟咩影響？

耀才證券研究部總監植耀輝認為，禮來與康龍化成合作，某程度係為咗擴大自身投資及產能，康龍化成係內地CXO(醫藥外包)股龍頭之一，技術好兼認受性高，有助提升投資信心，可達至雙嬴局面。

Stanley又指，除咗受惠於今次合作消息，康龍化成之前公布嘅業績預告，估計2025年盈收會錄得10%增長，向投資者展現公司對盈收預測樂觀，令投資者會對股價有憧憬，繼而利好走勢。