【專家分析】Fed唔急於重啟QE

【Now財經台】美國上周五(5日)出咗9月個人消費支出物價指數(PCE)，按月升0.3%，按年就升2.8%，兩個數據都符合預期，增加市場對聯儲局本周宣布減息嘅信心，帶動美股3大指數齊升，其中，標指一度高見6895點，同10月歷史高位只相差0.35%，點解仍未破到頂？此外，市場估計，聯儲局會重啟量化寬鬆(QE)，係咪有呢個迫切性？

星展銀行(香港)豐盛私人客戶執行董事鄧威信指，美股的確升得唔錯，但由於年底成交一向比較淡靜，所以未見有大規模資金湧入，但如果美國國內生產總值(GDP)可以維持3%嘅目標，美股明年第1季有機會再挑戰新高，始終企業業績理想，美股有力繼續衝高。

QE方面，Wilson就話，暫時資金流動性唔算緊張，加上經濟數據符合預期，估計今個月重啟QE機會唔大。