【專家分析】快手「可靈AI」未必長期領先對手

【Now財經台】快手(01024)可靈2.5 Turbo模型周二(23日)已正式推出，刺激股價連升3日，雖然服務升咗級，但反而減咗價，反映競爭十分激烈，既要提升技術，又要靠價格取勝，快手上半年研發開支暫時佔整體收入約9.7%，點睇呢個比例？

耀才證券研究部總監植耀輝指，喺依家嘅環境下，公司做研發或要用到人工智能見(AI)，會更易吸納市場資金及受追捧，研發費係咪合理，都要睇埋之後嘅成績表先可以下定論，只要投資者嘅耐性冇被消磨，相信都會係合理範圍。

Stanley又話，如果研究成果顯著，市場對公司嘅估值及信心自然會增加，睇返快手2.5Turbo模型，市場似乎都收貨，因此，投資者依家加碼投資都係好正常。

不過，雖然快手喺AI生成平台嘅發展快過同業，但用戶忠誠度低，因此，即使快手暫時領先，但未來可能會有變數。