【專家分析】《明末:淵虛之羽》有力將B站股價推上$250

【Now財經台】國產重磅遊戲《明末:淵虛之羽》明日(24日)就會喺內地遊戲市場正式發售，《明末:淵虛之羽》昨日(22日)喺遊戲平台Steam暢銷榜排第2位，今日(23日)已升上榜首，嗶哩嗶哩(B站)(09626)作為呢個game嘅內地發行商，股價可唔可以趁機炒上200元？

博威環球證券金融首席分析師聶振邦指，相比《黑神話:悟空》《明末:淵虛之羽》開售時嘅話題性可能有啲輸蝕，始終《西遊記》係家傳戶曉嘅故事，不過，呢款遊戲勝在劇情係虛構，玩家玩起嚟會有更多新鮮感，所以唔排除會吸引到玩家探索。

至於B站股價，聶Sir話，《明末:淵虛之羽》可以間接帶動集團股價，相信最遲下星期就可以企穩200元，喺8月甚至有可能去到2022年4月高位，即250元水平。