【專家分析】京東燒錢搞自營外賣店目的係...

【Now財經台】內地監管部門近期密密約談外賣平台，「內捲」競爭或有望告一段落。不過，京東集團(09618)似乎唔肯罷休，近期頻頻有動作，除咗宣布直接自營外賣店，更傳出收購本地食品零售批發商佳寶食品超級市場，收購背後又有咩盤算？

天風國際李偉傑表示，京東開設自營外賣店，希望喺「反內捲」政策下殺出一條血路，成為供應鏈上層，雖然呢個策略要不斷燒錢，但一旦成功，京東就唔需要再畀優惠商家，亦可以喺市場分一杯羹。雖然京東目標係3年內開設1萬間分店，但相信發展到一定程度，就會調整擴張規模。

Jason又認為，京東今次收購佳寳，可能係利用佳寶作為拓展海外市場嘅試金石，但佳寳嘅市場形象同京東有好大差異，呢方面較難説服投資者。