【專家分析】資金懶理「去美國化」繼續撐美股

【Now財經台】今個星期將會有逾百家標指成分股企業派第2季成績表，標指及納指昨晚(21日)再破頂，其中，納指已連升6個交易日，而標指預測市盈率(PE)已高達24.7倍，係咪反映市場對美企季績好有信心，令美股持續強勢？

艾德證券期貨投資策略總監文錦輝指，不論美國經濟數據及企業業績都反映聯儲局現階段冇必要減息，但由於美國總統特朗普(Donald Trump)不斷施壓，聯儲局有機會喺9月，等經濟數據回落後就開始減息。雖然依家美息高企，但企業業績仍然對辦，所以市場憧憬減息後，美股喺第3及第4季仍唔會掉頭。

Felix又話，環球股市嘅經濟韌性冇美國咁強，雖然市場之前話要「去美國化」，但最後資金都係重新流入美國，反映投資者對美元資產仍然有信心，所以唔使擔心美股表現，但升幅就可能冇之前咁勁。