【專家分析】穩定幣法案可化解美債務危機？

【Now財經台】美股3大指數上周表現分化，全周埋單計，道指微跌，標指及納指有得升，後者更再創新高。美國總統特朗普(Donald Trump)正式簽署穩定幣法案，又指會提升美元實力，值得留意係，穩定幣嘅設計可以用美元或美國國債做抵押，係咪有助化解美國債務危機？

高富金融集團投資總監梁偉民指，美國政府債務高企，穩定幣法案未必可以完全化解債務危機，不過，若穩定幣未來可以喺全球流通，會令美元需求增加，所以市場認為對美元嚟講係一個正面因素，不過，到底有幾多公司會申請發行穩定幣，同埋流通程度都係未知之數，相信最快要1至2年後，才知道情況係咪好似市場預期咁理想。

美股方面，Wyman話，依家投資氣氛仍然理想，市場對關稅前景冇4月時咁擔心，不過，關稅問題始終未明朗，美國同大部分國家仍未傾掂數，所以仍要小心市場嘅樂觀情緒會逆轉。