【專家分析】ASML銷售增長將逐步減慢

【Now財經台】荷蘭光刻機巨頭ASML(US.ASML)出完業績後，股價昨晚(16日)急挫，一度低見730.6美元，指引更表示難以預測明年嘅營運狀況。此外，台積電(TSMC)第2季業績及下季指引都好過預期，點睇ASML嘅經營狀況？

南華金融集團副總裁莫灝楠指，ASML股價急跌唔係因為業績，而係同下季度指引有關，要留意ASML重點業務係處於中游，做晶圓代工，同Nvidia及台積電唔同，由於晶圓產能唔缺，預期未來銷售增長會逐步減慢。

Casper又話，依家廠商最缺乏係先進封裝產能技術，而非普通嘅晶圓產能，呢個係台積電嘅獨特優勢，ASML幫唔到手，即使晶片需求高，Nvidia及台積電爆定單都好，都帶挈唔到ASML業績增長。