【專家分析】貿談續有好消息 衰退風險減

【Now財經台】美國總統特朗普(Donald Trump)喺下周三(9日)關稅暫緩期屆滿前，最新同10大貿易伙伴國之一嘅越南傾掂數，值得留意係，無論英國或越南，美國喺談判以至達成嘅貿易協議，美國都係佔上風，喺暫緩期「死線」前，如果餘下國家都可以傾掂數，係咪都會係一份有利美國嘅貿易協議？投資市場氣氛會有咩變化？

鴻鵠資產管理行政總裁陸庭龍指，除咗英國及越南議，其實中國之前都已經同美國達成一個框架協議，主要將之前好誇張嘅關稅下調至介乎30%至60%，美國最新向越南貨品徵20%關稅，可以推斷到關稅係由逾10%起跳，呢個情況會令市場冇咁恐慌，而因超高關稅引發嘅經濟衰退風險憂慮亦冇咁大。

Alan又指，市場近期最擔心經濟衰退及美國聯儲局再推遲減息時間，但後者仍符合市場預期，加上關稅戰明朗化，經濟衰退風險愈來愈細，都令市場由悲觀轉為較正面。