【專家分析】Nvidia瓣數多增長勁可加倉？

【Now財經台】美股昨晚(25日)個別發展，其中，科技股持續強勢，美國人工智能(AI)晶片巨企英偉達(Nvidia)股價3連升，再破頂，至今已自4月低位反彈逾60%，佔集團收入逾40%嘅超級大客如微軟(Microsoft)，Meta等嘅AI開支未見減少，Nvidia及AI相關股前景點睇？

東亞證券高級投資策略師陳偉聰指，依家全球喺AI應用層面方面仍處於起步階段，近年唔少公司都升級AI大模型，例如由一開始只能生成文字，到可以喺短時間內製造短片，背後都需要高端晶片、雲計算嘅基建，以及硬件設備支持發展，因此，Nvidia呢類上游公司，尤其資料中心(Data Center)方面會有好大增長空間。

Jason又補充，Nvidia表示，未來唔止發展晶片，仲會發展埋雲計算業務，呢啲範疇都有較大發展空間。此外，相信自動駕駛及機器人喺未來幾年都會高速發展，有咁多業務處於高增長期，Jason又指睇好Nvidia股價前景。