【專家分析】鄧威信:資金持續湧入港股原因係...
【分析】 2025/06/23 11:24
【Now財經台】港股上周扭轉兩周升勢，恒生指數全周埋單計累跌逾300點，雖然上唔返20天線，但仍可企穩10周線樓上，其中，中資金融股板塊表現突出。近期有唔少資金流入港股，同以伊戰事不斷升級有冇關係？
星展銀行(香港)豐盛私人客戶執行董事鄧威信指，中資金融股表現好，地緣政局只係其中一個因素，主要係港股IPO市場持續暢旺，吸引唔少外資重估港股，加上港股估值平，所以資金逐步回流港股。
佢又提到，依家資金持續流入港股，銀行同業拆息(HIBOR)低企，令新世界發展(00017)嘅再融資協議有較大機會達成共識，解決債務問題，若可以將美元債務轉為港元，喺HIBOR低企下，相信集團可以減輕債務負債。
