【專家分析】「內捲」長遠或引爆行業整合潮

【Now財經台】內地多個行業「內捲」問題嚴重，除咗汽車業，電商平台係另一個「主戰場」，拼多多亦無可避免受牽連，集團出完業績後，拼多多美股昨晚一度急瀉約14%，而在港上市嘅美團(03690)等電商股，股價亦連日受「內捲」問題困擾，「內捲」係咪會繼續影響港股市況及投資氣氛？

潤淼資產管理董事盧志威指，受「內捲」問題牽連嘅板塊係全方位，包括車股、消費股及外賣等業務，核心原因係要為中美貿易戰避險，因為隨著貿易戰開打，就可能會少咗個市場，所以相關行業會諗盡辦法去攞返內地市場，又認為「內捲」情況好難逆轉。

William又指，對存在「內捲」問題嘅企業嚟講，公司盈利短期一定受到衝擊，長遠就有可能觸發行業整合潮。