【環球金融快線】美光股價難爆上勝在穩陣

【Now財經台】美國半導體大厰美光(Micron)交出一份亮麗嘅成績表，截至2月26日止第2財季，美光收入238.6億美元，按年大升近2倍，淨利潤137.9億美元，按年勁升7.7倍，兩條大數反映集團純利率高達57.8%，絕對可以媲美英偉達(Nvidia)，美光呢份成績表係咪冇乜嘢可以挑剔？目前，美光預測市盈率(PE)只有單位數，如果現價追入係咪仍然值博？

易方資本投資總監王華指，值唔值博要估長倉基金入場時機，雖然美光交咗一份靚業績，但記憶體股票基本面相對簡單，有別於其他股票有技術方面嘅考量，而且更加似大宗商品，即係以賭博性質為主，只要供應少，就會不斷加價，所以估值較平。

Fred又話，SanDisk以快閃記憶體為主，相對於以高頻寬記憶體(HBM)為主嘅公司穩定，但股價就較難有爆升，現時集團資金流較弱，但仍睇好公司，王華指，現時SanDisk持倉比美光多，更指未來有機會加倉。