【環球金融快線】Gemini難搶ChatGPT及Claude用戶

【Now財經台】據最新數據顯示，ChatGPT喺大型語言模型(LLM)同聊天機械人嘅活躍用戶佔比，雖然仍有主導地位，但同去年比較大跌近20%，反而Google旗下嘅Gemini急起直追，排名已升至第2位。Gemini打減價牌，對搶市佔率作用大唔大？對Google嚟講係咪好事？Google來勢洶洶，ChatGPT及Claude點「迎戰」？

獨立市場策略師陳俊文指，Gemini 3.0競爭力好高，再配合減價策略，成功令唔少用戶「轉會」，不過，對已經課金用ChatGPT嘅用戶嚟講，「轉會」門檻就較高，相反，免費版用戶流動性較大，Gemini會較易吸納，長遠而言，估計Gemini會進一步搶走ChatGPT嘅市佔率。

競爭方面，Norman認為，市場變數仍然好大，Claude嘅定位集中喺商業市場，而非零售市場，所以喺商業市場嘅市佔率較高，佢預期，未來LLM市場繼續由幾家龍頭企業瓜分，即使市佔率唔係好高，但仍可維持可觀盈利。