【環球金融快線】歐萊雅買Gucci母企美妝業務明智

【Now財經台】Gucci母公司法國開雲集團(Kering)同意以40億歐元，將旗下化妝品業務賣畀法國歐萊雅(Loreal)，而歐萊雅將會獲得香水系列Creed持有權，同埋Gucci、巴黎世家(Balenciaga)等香水及化妝品50年獨家銷售授權，不過，歐萊雅股價冇乜反應，點睇呢單deal？

獨立市場策略師陳俊文指，今次呢單deal對開雲集團嚟講係合理，上手股東要求集團專注返喺時裝、高端產品業務，唔太支持分散投資策略，今次係集團一個策略轉變，亦可提升歐萊雅品牌知名度，做大化妝品業務，今次交易作價唔算太貴，又認為長遠有唔錯嘅增長空間。