【環球金融快線】Bitcoin唔係避險資產？

【Now財經台】環球股市波動，加密貨幣市場更風高浪急，交易額最大嘅比特幣(Bitcoin)，上周五(10日)一度由12萬美元樓上直插至10萬美元邊緣，如果睇得長線啲，其實Bitcoin同標指升跌都幾一致，係咪更加印證咗加密貨幣其實唔係避險資產？

iFast Global Markets副總裁溫鋼城指，加密貨幣唔係避險資產，雖然個別有息有炒作空間，但佢可以升到冇頂，極其量只係屬於風險資產。此外，當美元強勢時，股市就會走弱，Bitcoin亦會受壓，始終受美元「地心吸力」影響。

佢估計，Bitcoin短線會喺10萬至12萬美元上落，但唔好預期會再急升，因為升勢會放慢。