【環球金融快線】現價買Apple追落後唔值博

【Now財經台】蘋果公司(Apple Inc.)iPhone 17開售後，反應較預期好，金融機構Wedbush分析師上調Apple目標價至310美元，瑞穗、摩根大通就調高至280美元，邊個目標價較易到價？

獨立市場策略師陳俊文指，iPhone 17系列銷售強勁，如果可以保持，Apple股價仲有得升，除咗iPhone 17系列外，仲有AirPods、MacBook等，可掃除最初亮相時被指冇新意、唔好睇嘅負面批評。

佢又話，由於「果粉」等新產品已等咗好耐，所以普遍願意升級買新機，但Apple股價要上到310美元較困，建議有貨嘅投資者可以繼揸，但現價入市追落後值博空間有限。