【環球金融快線】Nvidia內地連環有「阻滯」唔使擔心？

【Now財經台】美國人工智能(AI)晶片龍頭英偉達(Nvidia)繼之前被內地市監總局指違反反壟斷法，會對集團作進一步調查後，日前有英國傳媒報道，內地監管機構要求幾家科技巨企，停止買Nvidia AI晶片，並要終止現有定單。Nvidia股價日前一度跌至170美元邊緣，但Nvidia每次調整後，都可以再破頂，依家係咪吸納嘅好時機？雖然集團內地收入佔比唔大，但如果失去呢個市場會有咩影響？

獨立分析師黃耀宗指，中線而言，Nvidia股價喺業績穩健、晶片有優勢，同埋建立生態圈下，有穩定上升動力，若股價落到160美元水平，可以考慮吸納。Andy表示，中國市場對Nvidia嚟講只係錦上添花，唔需要太擔心。

此外，由於中美衝突不斷，內地晶片自主研發有機會發圍，因此，投資者可以考慮落注中國晶片，以分散投資。