【環球金融快線】加密幣股 VS Bitcoin

【Now財經台】美國《天才法案》(Genius Act)上周五(18日)獲美國總統特朗普(Donald Trump)簽署成為法例後，穩定幣發行商Circle卻嚟一個反高潮，當法案6月17日喺參議院通過後，股價由150美元衝上250美元，其後再過埋眾議院一關，股價想趁勢挑戰更高水平，但唔成功，而上周五正式成為法案後，股價反而失守200美元水平。相對於Circle，比特幣(Bitcoin)價格更硬淨，若長線睇好加密貨幣，直接買入加密幣好過買交易平台股？

資深經濟師羅家聰指，平台及發行商會賺差價，Bitcoin因為供應有限，一旦有大量資金湧入就會夾高個價，因此，如果作為長線投資，買Bitcoin會好過加密貨幣相關股份。

KC補充，隨著加密幣平台競爭愈來愈大，長遠而言，率先進場嘅公司未必可以維持，所以直接買入Bitcoin比較好。