【環球金融快線】美6大銀行股揀呢隻破頂股

【Now財經台】美國6大銀行本周會陸續派第2季成績表，包括摩根大通(JPMorgan Chase)、花旗集團(Citigroup)及富國銀行(Wells Fargo)，呢3家銀行預測市盈率(PE)介乎11倍至15倍，如果用市帳率(PB)衡量係花旗最平，呢3家銀行派息率約2厘，呢6家銀行之中，邊家可睇高一線？

iFast Global Markets副總裁溫鋼城指，較睇好股價創新高嘅高盛(Goldman Sachs)，又指正常情況下都會揀投資銀行做部署，所以大摩都可以考慮，但值得留意係，市場比較擔心美國經濟前景及通脹，會對零售銀行造成壓力，另一方面，商業房地產亦會受壓，因為依家開始多咗居家工作(WFH)，同埋愈來愈多人網購，對商場物業價值造成好大打擊，所以對零售銀行嘅前景，例如富國就冇咁樂觀。