【環球金融快線】歐洲服裝股下半年續橫行

【Now財經台】歐洲服裝公司中，以Zara及H&M嘅佔比最大，預測市盈率(PE)介乎19倍至22倍，股息有2.6厘至近5厘。不過，由年初至今，呢兩間服裝公司都跑輸泛歐600指數，歐洲服裝股嘅投資價值高唔高？

Solomons Group 亞太區投資及ESG總監黃耀宗指，投資價值唔高，因為受宏觀經濟影響，消費信心弱。過去1年對好多服裝股嘅毛利有時間優勢，成衣嘅成本比以前低，不過，基數效應會逐漸冷卻，佢估計，下半年歐洲服裝股無論估值定股價，都處於橫行趨勢，暫時未有新嘅催化劑。