【環球金融快線】Target轉型先要改變定位

【Now財經台】美國第2大折扣零售百貨集團Target嘗試開拓新銷售渠道，跟內地電商拼多多銷售方式相似，但兩者比較，Target毛利率比拼多多低逾20%，點睇集團呢個轉型策略？

資深經濟師羅家聰指，兩家公司定位唔同，Target本身係賣中高檔貨品，拼多多就賣廠貨，兩者有相似嘅地方，但重疊度唔高，成本及體驗等亦唔一樣，毛利率自然有分別。

KC又話，美國消費降級，對商家造成好大壓力，Target股價2021年開始跌得好犀利，通脹升溫時，實質購買力較差，依家通脹降溫，但物價又向上，網上開拓多個渠道一定有幫助，但如果定位唔變，最後實際幫助唔大。