【環球金融快線】Nvidia唔使擔心美對華打壓？

【Now財經台】英偉達(Nvidia)日前交咗一份靚季績，表現好過預期，其中，營業收入按年增長69%，按季則增長12%，按地區劃分，美國收入繼續排第1位，按年增長逾53%，中國收入自去年第3季起，一直維持喺逾50億美元水平。Nvidia行政總統黃仁勳再度呼籲美國政府放寬對華晶片出口管制，喺關稅戰陰霾下，對Nvidia增長有咩影響？

Solomons Group 亞太區投資及ESG總監黃耀宗認為，由於近日美國再就向中國銷售晶片出招，加上最近華爾街用「TACO交易」(TACO trade)呢個字眼諷刺美國總統特朗普(Donald Trump)嘅關稅政策，可以預視未來或會進一步收緊限制，因此，Nvidia喺中國嘅發展會持續有隱憂，短期亦好難有轉機。

不過，Andy指出，慶幸中東地區嘅需求可以填補返大部分缺口，過去幾季，當中國市場隱憂愈來愈多時，而之前黃仁勳嘅「中東之行」簽到咁多大deal係意外收穫，事實上，未來中東地區對人工智能(AI)嘅需求只會有增冇減，加上Nvidia之前同幾家大企業簽嘅單，所以唔需要將某啲隱憂放得太大。