【槓桿致勝】紫金CALL/牛仔點揀好？

【Now財經台】金礦股今早(30日)造好，紫金礦業(02899)一度大升逾8%，高見34.8元，相關嘅熱門CALL唔少都變咗價內，行使價介乎36元至39元，明年3月至7月到期，牛證選擇就更少，距離收回價有逾1倍距離，係咪CALL輪更值博？

胤源世創家族辦公室(香港)第一副總裁黃偉豪指，單睇槓桿，CALL輪係比牛證吸引，始終一啲熱門CALL都屬於長身，唔使擔心時間值損耗特別快。

Ravi又提醒，紫金股價始終升得唔算多，引伸波幅水平相應高咗，要留意短期仲有冇衝高嘅機會，同埋留意會唔會跌穿31.2元，如果冇跌穿呢啲位，整體反覆向上格局就冇太大改變。