【槓桿致勝】CALL小米唔好太進取

【Now財經台】小米集團(01810)股價近期走勢反覆，市傳工信部可能禁止新車半年內轉讓，小米股價今朝(21日)喺57元水平徘徊，上周五(18日)淡倉資金轉為流出，好倉就連續多日有資金流入，投資者揀產品時有咩要留意？

法興銀行證券上市產品銷售部董事周翰宏指，小米股價近期未能突破10天及20天線，但仍可企穩50天線樓上，依家走勢尚算穩定，由於小米跑輸大市，吸引唔少資金流入博小反彈，但值得留意係，小米未完全扭轉調整格局，建議選擇保守條款，並要留意時間值損耗。

Horace建議，CALL輪唔好揀太價外嘅條款，行使價可揀63元至65元，槓桿約5倍，唔算特別進取，年期不妨揀長少少，明年初到期會比較好。若想追高槓桿可以考慮牛證，收回價55.8元樓下嘅條款，槓桿都唔錯。