【槓桿致勝】博泡泡瑪特短線反彈揀...

【Now財經台】泡泡瑪特(09992)日前發盈喜後，雖然有大行上調目標價至330元，但股價仍連跌兩日，今朝(18日)低開後，好淡爭持，熱門牛證最快今年10月到期，較長身就明年12月到期，槓桿做到1倍至4倍，選擇產品時有咩要留意？

星展香港環球金融市場上市產品主管周國威指，泡泡瑪特資金主要流入CALL輪，較短身嘅條款今年底到期，行使價由較貼價嘅280元至價外近400元都有，早前，泡泡瑪特股價升勢凌厲，有空間選擇價外條款，但預期股價近期會繼續喺高位整固，如果揀價外及短身條款風險會增加，建議揀較貼價條款，即收回價約280元至290元，博泡泡瑪特股價短線反彈會比較合適，槓桿都做到4倍。至於長身條款要2026年中至年底才到期，適合中線投資者，兩類條款都各有資金捧場。