【槓桿致勝】博小米再破頂 CALL爆發力更大

【Now財經台】小米集團(01810)昨晚(26日)舉行發布會，多款新產品亮相，其中，首部SUV YU7開售3分鐘，已接20萬部定單，小米股價今早(27日)裂口高開8%，開市即破頂，小米CALL引伸波幅變化大唔大？熱門牛證槓桿做到5至8倍，投資者想避開縮窩風險，部署牛證係咪更可取？

星展香港環球金融市場上市產品策略師鍾宛婷指，引伸波幅變化唔算太大，發布會反應十分理想，好倉資金以食糊為主，想避開縮窩風險，揀牛證的確比較好，產品選擇亦較多，如果想博小米股價再破頂，CALL輪爆發力更大，熱門嘅短身CALL，行使價約70元，9月到期，槓桿做到7至8倍，中長身CALL方面，行使價約80元，2026年4月到期，槓桿約4倍，都係熱門選擇之一。