【槓桿致勝】理想績後彈高可吼價外CALL

【Now財經台】理想汽車(02015)股價連跌兩日後，今早(30日)出現反彈，高開逾4%，升穿10天線，其後升幅一度擴大至7.8%，高見116.7元，係今日早段表現較好嘅藍籌，熱門牛證收回價普遍都較遠，介乎60元至100元，槓桿做到逾1倍至逾5倍，條款應該點揀？

法興銀行證券上市產品銷售部董事周翰宏指，理想股價近期呈橫行格局，喺110元水平上落，業績前唔算特別多資金追入，因為擔心業績唔好股價就會跌，但昨日(29日)出完業績後，股價今朝反彈，今日比較強，見到部分資金追返CALL輪。

佢續指，理想股價今日逆市走強，如果大市再反彈時，股價有機會向上突破，建議揀價外及高槓桿嘅產品，較多資金揀9月底到期嘅條款，行使價160元至170元。