【槓桿致勝】小米呢類CALL啱分注買

【Now財經台】小米集團(01810)昨日(27)出咗業績，首季經調整多賺逾65%，收入按年升逾47%，小米股價今早(28日)又破頂，股價一度升3.3%，高見53.3元，今朝受歡迎嘅條款，行使價60元至80元，明年1至5月到期，槓桿3至4倍，績後揀呢批CALL合唔合適？

星展香港環球金融市場上市產品策略師鍾宛婷指，小米季績唔錯，主要受惠於強勁嘅手機及汽車銷售，值得留意係，管理層對前景非常樂觀，形容呢份業績只係高增長嘅開始，所以股價今早造好　。

資金流方面，Kathrin指，市場偏向趁低吸納好倉為主，受歡迎嘅CALL年期比較長，大部分明年先到期，尤其係50對1嘅選擇，當中比較價外，行使價80元樓上，面值0.1元以下，都係比較多投資者揀，始終小米新車YU7要7月先上市，加上晶片應用都需時體現效果，投資者要預時間畀小米做調整，不過，呢批年期長CALL時間值損耗比較細，面值亦較小，較適合投資者分注吸納。